Uppskeruhátíð

Bláskógaskóli

 

Unglingadeildin auglýsir síðasta valdag haustannar.

 

Tvo dagsparta vikunnar hafa unglingarnir í Bláskógaskóla kost á því að velja á milli ákveðinna námsgreina. Þær eru flestar á sviði list- og verkgreina, einhverjar hafa það að markmiði að undirbúa nemendur undir bóklegt nám í framhaldsskólum og aðrar að kynna nemendum fyrir ýmsum leiðum til lífsfyllingar, eins og það er orðað í Aðalnámskrá grunnskóla.

 

Miðvikudaginn 12. nóvember blæs unglingadeildin til nokkurskonar uppskeruhátíðar. Þá lýkur tímabili sem nemendur hafa sótt tíma í sömu valgreinunum og nýtt tímabil með nýjum valgreinum (eða einhverjum þeim sömu aftur) tekur við.

 

 

Dagskráin er þessa leið:

 

12:05

Nemendur í spilavali stjórna spilastund í stofu 8. bekkjar á efri hæð skólahússins í Reykholti. Öðrum nemendum er ætlað að slást í hópinn og spila fjölbreytta, skemmtilega og fræðandi leiki. Aðstandendum nemenda og öðrum íbúum sveitarfélagsins er einnnig hjartanlega velkomið að taka þátt.

 

12:55

Leiklistarvalið sýnir fimm stutta leikþætti í Aratungu.

 

13:55

Nemendur í upplýsingatækni sýna verkefni sem þeir hafa unnið á haustönninni. Sú sýning fer fram í Aratungu.

 

14:15

Sýning á neðri hæð skólahússins í Reykholti  á verkum nemenda í myndmennt, skartgripagerð, bókagerð og smíðum.

 

14:35

Tónleikar nemenda í hljómsveitarvali í Kringlunni, gryfjunni á milli hæða skólahússins.

 

 

Allir eru velkomnir á sýningarnar

 

 

Nemendur og starfsfólk Bláskógaskóla

Close Menu